معليش خلاص غلطان انا!!!

عاشق عيونك كم سنة
ومعليش خلاص غلطان انا
انا مشيت على دربك سنين
افرش دريبك بالمنــى
سرحت في واديك زمــن
...ناسي الهموم ناسي الضنا
كتبت فيك اجمـل كـــلام
نظمت فيــك احلى الغنى
خليت يمـيني كــل البلاد
واخترت رعيـاك احضنــا
معليش خلاص غلطان انا غلطان عشان بحلم كتير
غلطان عشان قايلك هنا ممكن معاي تبقي المصــير
غلطان عشان من النسيم لو مس بس جسمك اغيــر
غلطان عشان من غير جناح في دنيتك دايـر اطيــر
معليش خلاص غلطان انا وكل الحصل بتحملو
لي من زمان متمني يوم اخر المطاف انا اوصلو
القاك زي توب الزفاف والناس معانـا يهللــو
ويقولو ليك مبروك عليك نبدا الفرح من اولــو
نهلل كتير انا والصحاين يوم سعيد ما اجملـك
كان زمان بقولي لي غيرك محال اعشق حبيب
مهما قست كل الظروف انا ليك ما ممكن اسيب
آية الجديد في حبنا ايه الحصـل ... ايه الغريب
ولا الزمان غير هـواك ولقيتي لجرحـك طبيب
وتقولي زي ما الناس تقول ان الزواج قسمة ونصيب
معليش خلاص غلطان انا من قلبي ليك اجمل منى
تتهني بفرح العمـر ويزدان دريبــك بالهنى
ياهو القدر انا راضي به لو انو انكتب الضنى
اتهني انت مع النصيب وانا ليك انظم في الغنى
اصلو الحصل ما منك انت ولو صحيح غلطان انا ..

رووووووووووووووووووووعة

إبــــــــــــــــــــــــــــــــــــــداع

فلة