اضحك لمن تطرشق

ضبانة وقعت في كاس وسكي مرقت قالت : هـــــــــــوي الصقر جاكم

مسطول جاب ليهو موبايل جديد اداهو لي اخوهو قال ليهو هاك اكتب لي رسالة انا خطي كعب

مساطيل
قاعدين يعوموا في نص الظلط جا واحد ماشي واستغرب واتلفت يمين وشمال لقي
واحد قاعد بعيد يتفرج عليهم قال ليه يا ابن العم انصح الجماعة ديل صاحبك
طلع مسطول قال ليه والله أنا قلت ليهم المكان ده غريق ما تعوموا فيه

مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي

مسطول سال مسطول عن وجه الشبه بين واحد واقع من الطابق الثامن وعسل النحل ؟ رد عليه : الاثنين بتلحسو

مسطول بيسال مدرس جغرافيا:يا ترى خط الاستواء مسفلت والا ردمية ساكت؟؟

سطول
طالع من الدكتور بيتكلم مع روحو: ضب في صحن؟ لا لا سحلية في جك؟.. لا لا
قعونجة في جردل؟ لا لا تمساح في بانيو؟ رجع للدكتور تاني وقال ليهو: انت يا
دكتور قلت عندي شنو؟! قال ليهو: عندك سرطان في الحوض

واحد
مرتوعضتها كديسه و المره ماتت جاء واحد يعزى الراجل لقى اعداد غفيره من
الرجال متزاحمين سال واحد ما شاءالله كل الخلق دي جاية تعزي الراجل قال ليه
لا... ديل جايين يستلفو الكديسه

واحد
مسطول سايق عربية قام واحد من اللساتك نزل في شارع سريع جو الناس اتلمو
فيه دايرين يتكلمو كده صاحبنا المسطول قال ليهم هسسسسسسسسسسسسسس ولا كلمة
اللستك نايم

مسطول مرته ماتت قالو ليه نديك أختها قال يا جماعة نسابتي ديل شركة تامين ولا شنو؟

مسطول اتفق مع إبليس يخشو صرفة ، آخر الشهر أخد الصرفة الأولى وقال بسسسسم الله

مسطول سياسى بخطب فى جماعة قال ليهم انتو عارفين كنا منتظرين الزمن يغير الحكومة…………….. قامت الحكومة

غيرت الزمن ………..

شايقي
ورباطابي مسافرين الشايقي شايل اكل كتير بالليل الرباطابي شايل معاهو
بطانيه اتغطي وخلي الشايقي في البرد الشايقي اتغاظ وقعد يقول والله انا
عندي قراصه سمحه وفطير مافي زيو وبلح كتير لكن ما جعان هسي اعمل بيهم شنو
الرباطابي قال ليهو اعمل بيهم سويتر

مسطول قاعد مع زوجته حب يدلعها،،قاليها :أنتي حمامة قالت ليهو لأ، انا غزالة قال ليها : المهم حيوانة

قالوا
مسطول سالوهو : اضانك دي الحرقا ليك شنو ؟ قال ليهم : كنت بكوي في الملابس
والتلفون ضرب بدل ما اشيل السماعة شلت المكوه .. قالوا ليهو : طيب اضانك
التانية الحرقا شنو ؟؟ قال ليهم : ما الحيوان ده اتصل تاني ..

اتنين
حرامية سرقو جنريتر وهو شغال وجو جارين بيهو اها ناس الحلة بفتشو عليهم
لقو اتنين مساطيل قاعدين بسطلو سالوهم ما شفتو اتنين شايلين جنريتر ؟؟ ردو
ابداا والله لكن الغريبة في اتنين جو راكبين موتر وطافين النور

سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو

هههههههههههه
ما قصرت , دي موسوعة نكات

ههههههههههههههههههههههههههههههههه Laughing

احلي ناااااااااااس :lol!:

قصدك المساطيل مش كده يا عاصم ديل ناسك هههههههههه ......ده من زوقك يا براء

هههههههههه
ضحكتنا بالحيــــــل
*************تقبل مروري**********